تحليل وملخص مباراة الاهلي واتحاد جدة كاس العالم للاندية 15 ديسمبر 2023
حقق #الاهلي فوز كبير وساحق في ملعب اتحاد جدة بثلاثة اهداف لهدف في مستهل مبارياته في بطولة #كاس_العالم_للاندية
سجل اهداف الاهلي على معلول من ركلة جزاء في الشوط الاول، وحسين الشحات وإمام عاشور في الشوط الثاني، فيما سجل كريم بنزيمة هدف اتحاد جدة الوحيد مع نهايات المباراة
بتلك النتيجة يتأهل الاهلي للدور قبل النهائي لمواجهة فلومينينسي البرازيلي بحثا عن النهائي الاول في تاريخه
الاهلي قدم مباراة كبيرة جدا وكانت نقطة التحول هي ركلة الجزاء الساذجة اللي اتسبب فيها مدافع اتحاد جدة في منتصف الشوط الاول، بعد ما بدأ اتحاد جدة المباراة بشكل جيد وضيع رومارينيو فرصة لا تضيع وهو قدام المرمى لكن براعة الشناوي حرمت اتحاد جدة من افتتاح النتيجة
بعد العودة للفار احتسب الحكم ركلة جزاء للأهلي تقدم ليها علي معلول وحطها في نص الجون عشان يسجل الهدف الاول
الاهلي اخد ثقة كبيرة جدا بعد الجول ده وبدأت هجماته المرتدة تشكل خطورة كبيرة جدا خصوصا من ناحية الباك الشمال لاتحاد جدة اللي اتمكن بيرسي تاو ومحمد هاني من اختراق جبهته اكتر من مرة.
لكن رغم كده كان اتحاد جدة عنده فرص في الشوط الاول واحتسبت ليه ضربة جزاء بنفس الطريقة بتاعت ضربة جزء اتحاد جدة، بعد لمسة يد على محمد عبد المنعم، تصدي ليها كريم #بنزيمة لكن الشناوي تألق وابعد الكورة عشان يحافظ للأهلي على تقدمه وينتهي الشوط الاول على النتيجة دي
الشوط التاني غير اتحاد جدة الباكين بتوعه إما لاسباب فنية او للإصابة، ومع انخفاض مجهود فابينيو بشكل واضح بدأت شوارع تظهر في دفاع اتحاد جدة، لكن مع بداية الشوط التاني ضيع اتحاد جدة فرصة لا تضيع بعد انفراد اتحط بين رجلين الشناوي لكن الكورة اصطدمت بالقايم
بعدها انهار دفاع اتحاد جدة تماما وشكلت الهجمات المرتدة خطورة مهولة ومن خلالها سجل حسين الشحات الهدف التاني بعد تمريرة من كهربا، بعدها كهربا نفسه بينفرد بالمرمى وبيرجع الكورة جوه المنطقة لإمام عاشور اللي بيسجل الهدف التالت اللي قتل المباراة تماما
بدأ بعدها الاهلي في انه يأمن المباراة بالتغييرات بنزول طاهر وكريم فؤاد وعمرو السولية، مدرب اتحاد جدة اتأخر كتير جدا عشان يعمل التغييرات ومعملهاش غير في الدقيقة 70 بعد ما كان الماتش راح منه خالص
مشكلش اتحاد جدة خطورة تذكر بعد التغييرات غير في الوقت الضايع بعد ضربة ركنية لعبها حجازي بدماغه في القايم بتترد لبنزيمة اللي بيلعبها في سقف الشبكة علشان يسجل هدف اتحاد جدة الوحيد وتنتهي المباراة بفوز كبير وساحق للأهلي.
لتحميل ملخص المباراة اضغط هنا
